Запіс на прыём

АЛГАРЫТМ ЗВАРОТУ Ў МЕДЫЦЫНСКУЮ АРГАНІЗАЦЫЮ ДЛЯ ЗАМЕЖНАГА ГРАМАДЗЯНІНА

Для пацыентаў стацыянара:

1. Звязацца з намі па электроннай пошце omo@rcrm.by ці па тэлефоне +375 232 38 95 72. Рашэнне аб магчымасці лячэння заўсёды прымаецца ў індывідуальным парадку. Таму, нават калі вашага захворвання няма ў прыведзеным вышэй спісе на сайце, Вам варта звярнуцца да нашых спецыялістаў і высветліць, ці зможаце Вы прыехаць.
2. Выслаць на электронны адрас omo@rcrm.by медыцынскае заключэнне, у якім змяшчаецца дыягназ, а таксама ўсе вынікі абследаванняў. На аснове атрыманых дакументаў, урачы складаюць падрабязны папярэдні лячэбны план. Прызначэнне кансультацый і працэдур магчыма ў найкароткія тэрміны, і на зручныя для пацыента дату і час.
3. Прыехаць на лячэнне ў РНПЦ РМіЭЧ (Рэспубліка Беларусь, г. Гомель, вул. Ільіча, 290). Пры неабходнасці афармляем афіцыйнае запрашэнне на лячэнне.
4. Аплаціць паслугі адным са спосабаў.
5. Афармленне ў стацыянар і лячэнне.

МЕДЫЦЫНСКІЯ ДАКУМЕНТЫ

Для таго каб не праводзіць залішніх абследаванняў, мы просім пацыентаў прывезці з сабой усе актуальныя медыцынскія заключэнні і вынікі аналізаў і абследаванняў.

СПІС ЛЕКАЎ

Пацыентам, якія рэгулярна прымаюць лекі, неабходна мець пры сабе гэтыя лекі або спіс лекаў.

Для пацыентаў паліклінікі:

Платныя медыцынскія паслугі ажыццяўляюцца па папярэднім запісе, або без яго пры ўмове наяўнасці свабоднага месца ў графіку прыёму спецыяліста, які аказвае паслугу.

З парадкам аказання медыцынскай дапамогі замежным грамадзянам можна азнаёміцца тут.