Паважаючы мінулае, будуем будучыню

Да 1991 года 7 лістапада адзначалася ў СССР як галоўнае свята краіны - Дзень Вялікай Кастрычніцкай Сацыялістычнай рэвалюцыі. На жаль, пасля распаду Савецкага Саюза ў большасці новых незалежных рэспублік пра гэты дзень пастараліся забыцца. Сярод нямногіх выключэнняў - наша Беларусь, дзе 7 лістапада па-ранейшаму з'яўляецца чырвоным днём календара.

Беларусы беражліва захоўваюць памяць аб гераічных старонках сваёй гісторыі, не саромеюцца ўспадкоўваць усё лепшае з досведу мінулага і будуюць сваю будучыню на прынцыпах справядлівасці, раўнапраўя і клопаты аб людзях - тых прынцыпах, якія больш за стагоддзе таму абвясціў Вялікі Кастрычнік.

Паважаныя калегі!
У гэты святочны дзень зычу вам моцнага здароўя, шчасця, дабрабыту і новых працоўных дасягненняў. Няхай кожнаму заўсёды спадарожнічае поспех у працы на карысць роднай краіны!

Аляксандр РАЖКО, дырэктар Рэспубліканскага навукова-практычнага цэнтра радыяцыйнай медыцыны і экалогіі чалавека.